Ngobrol sareng Al-Qur’an

nyium kitab

nyium kitab

Salaku ummat Islam, kantenan urang peryogi pisan Al-Qur’an kanggo cecepengan hirup. Kalintang rugelna jalmi, sok komo urang ummat nu gaduh agama saupamina kitab suci-na dimomorékeun mah.

Samalih seueur geuning bangsa deungeun nu rarajin nalungtik kajantenan di alam dunya, nu antuknya waleranna aya dina Al Quran. Contona éta wéh, geuning aya acara di telepisi swasta anu judulna téh Discovery, nu nyandak acarana téh duka saha namina, nu jelas mah tos sepuh, pameget. Aya sawatara jalmi anu ngauningakeun yén anjeunna téh kapungkur agamana téh sanés Islam. Lebet Islam téh nya teu bireuk gara-gara dina salahsawios panalungtikanana di lebet sagara lautan, saurna aya aliran cai anu sagala rupina bénten sareng cai nu sabudereunana. Nu kedahna mah kantenan asin, sareng ngalirna cai nya kedah ilahar wéh. Tah nu éta mah éstuning bénten wéh. Caina teu asin, jaba ngalirna ogé arahna bénten. Upami Sadérék kantos nongton pilem Finding Nemo mah mirip waktos Si Nemo na téh kacandak arus sareng komplotan kuya geuning, kitu panginten.

Cag ngeunaan Némo mah lah. Énggalna carios, si bapa éta téh bingungeun tos milari sadaya buku karangan para ahli, sareng teu kakantun kitab suci agama sanés ogé dikotéktak. Nya bréh téh écés pisan kalayan jéntré saurna mah anjeunna mendakan pisan dina Al Qur’an, pami teu lepat mah Surah Ar-Rohman kitu?

Ah pokona mah seueur wéh carios nu sarupi, da upami Gusti Alloh tos Kawasa kanggo Masihan Hidayah mah, saha nu tiasa nyegahna.

Tah dina kasempetan ieu mah, sim kuring ngan ukur badé ngadugikeun wartos, (bilih ieu mah) saha waé nu meryogikeun Al  Qur’an, cindekna mah upami Sadérék meryogikeun teks tarjamahan Qur’an supados teu kedah ngetik deui, tah aya carana. Nya hapunten wéh kanu tos terang mah.

Upami Sadérék tos gaduh Yahoo Messenger (YM) kanggo céting téa, gampil. Kieu carana téh.

1. Lebet ka menu Add Contact  atanapi upami nu bahasa Indonesiana mah Kontak, Tambah Kontak.

2. ketik wéh nami ID YM-na : quran.noor atanapi quran.noble

3. Pami tos lebet, cara cétingna contona kieu:

3.a. Ketik: quran 1:1-7 arabic (berarti ngaharepkeun pangnyatetkeun Al Qur’an Surah Al-Fatihah ayat 1 dugi 7, kalayan huruf/bahasa Arab)

3.b. Ketik: quran 2:205 indo (berarti ngaharepkeun pangnyatetkeun Al Qur’an Surah Al-Baqoroh ayat 205, kalayan huruf/bahasa Indonesa)

Tah sakitu wéh, mugia sing janten nambih-nambih pangaweruh kanggo urang sadaya..

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: