Biograpi

nyutat diarySim kuring biasa digentraan “Héndry”,  jéntréna mah teu bireuk, da urang Sunda mah te jauh jeung rarangkén “su” di hareupna.

Miang ka Bandung téh kaping 09 September 92, dinten Rebo, nalika anyaran lulus SMP. Harita kusabab pun lanceuk kasabna di Bandung, nya bilut wéh da nyiar gawé di kota sorangan susahna lir ibarat naon waé, éléh ku sémah nu ti mana mendi meni cepet kénging padamelana téh.

Sateuacanna hapunten, dina ieu Blog téh basana meni teu puguh, kasar garihal, da rumaos nyunda teuing mah henteu, ngan asa kacida upami urang Sunda leungiteun basa sorangan, nya hiji-hijina cara nu bisa dilakukeun ngalangkungan Blog wéh.

Kerénna mah kota sim kuring téh Dance City, USA. Teu kedah reuwas da moal percanten saha waé ogé ku ningali pegékna pangambung sim kuring gé asa pamohalan. Da mémang anu dimaksad Dance City téh Kota Goyang alias Karawang téa. Tah ari USA na mah singgetan tina Urang Sunda Asli.

Bubuara wéh di Bandung téh, nya harita ku sepuh ngan ukur dibekelan artos lima las rébu, acuk opat setél, tos wéh. Sésana, sepuh téh ngusiwelkeun pamundut, nyaéta Kajujuran. Duh meni carindakdak upami émut ka waktos harita. Bekel ijasah SMP, badé janten naon di Bandung, ngan ukur ngaheurinan.

sakolaTapi nya kitu, Kersaning Alloh, alhamdulillah tah sumanget hoyong sakola mah ngagedur waé dina jero dada. Walhasil, sakola wéh ka SMA sanajan tibabaranting sareng padamelan. Ari kuring damelna mah di hiji sakola swasta, tempat barudak ngora karuliah. Nya kuring mah ngan salaku tukang beberesih di dinya téh anu bahasa kerénna mah Cleaning Service téa, geuning kiwari mah biasa ogé disebat Office Boy.

Énjing-énjing damel, jam istirahat teras angkat ka sakolaan nganggo saragam padamelan. Nepi ka sakola, gancang muru toilét, gentos acuk, nyeplés pisan kalakuan Supermen kadéséh. Uih sakola, buru-buru uih, gagancangan muru kamar di mess tempat damel, gentos deui acuk damel, gesruk deui wéh sasapu jeung ngepél di padamelan téh dugi ka tabuh salapan wengi. Kitu jeung kitu wéh kalakuan kuring salami tilu taun.

uih sakola langsung damelAlhamdulillah ari ku dileukeunan mah geuning, lulus wéh sakola téh, samalih mah tiap taun téh réngking waé, duka pédah aya di lingkungan anu kurang palinter duka kumaha, hé3x.

Lulus sakola SMA taun salapan genep, buru-buru daptar kuliah. Nya saleresna mah asa teu kabadanan rék kumaha sareng ti mana biaya na. Ku dikersakeunna téh gaduh papacangan anu nyumangetan waé deuih, nya adi kelas tapi bénten sakolaan. Piraku deuih manéhna bakal kuliah, ari kuring henteu? he3x.  Duka kumaha sareng di mana éta tilas papacangan ayeuna, da ku saré’at mah bénten suku cenah dugi ka sepuhna teu nyatujuan, nya wios wéh dalah dikumaha, sanés jodo wéh. Yééé..h  janten curhat!

Dugi ka semester II mah angger wéh ngagugulung sapu jeung slaber. Da mémang teu tarerangeun abdi kuliah téh. Taun Salapan Dalapan sasih September, didamel téh nembé naék satingkat jadi Staf Pengolahan Data. Ngagugulung nilai mahsiswa wéh salami genep taun ti harita mah.

lulus eung..!Lulus weh S1-na, naék deui janten Ka.Sub.Bag. Tah ti harita mah teu ngaronjat-ngaronjat didamel téh, malah kawon ku nu arénggal ngalamar sanaos sami S1-na. Ah teu janten pikir da kuring mah seueur karumaosan, salian ti teu aya katiasa tina ngudag karir téh  nu gaduh yayasan na ogé panginten terangeun kuring nuju olol lého-na, piraku rék ngangkat karyawan tilas tukang sasapu! Nya karir kuring téh mun dibahasa Jerman-keun mah disebutna Habben Nagen tea meureun. Duka ku teu laku-na élmu kuliahan, duka mémang teu aya cupat pikeun gaduh jabatan. Nyaéta puguh, hal nu saperti kieu téh kanggo sim kuring mah mun teu kiat-kiat teuing mah kadang jadi bahan pikiran. Umur beuki ngolotan tapi ari kanggo persiapan hirup ka payun batan sakieu. Nya asa na mah teu lepat-lepat teuing pami karyawan sapertos kuring kieu mun ngamanpaatkeun peluang kanggo nyiar sampingan , asal tiasa ngatur waktosna..

Ah, sakitu wéh kaseueuran teuing. Hatur nuhun ah..

12 Tanggapan

  1. ngaos biografi akang abdi ngaraos kagagas kana katekunan nu akhirna tina peurih leres janten peurah mudah2an janten pieunteungeun kanggo abdi

  2. haduh pa, meuni asa peurih nya hirup yeh ..
    nuhun pa jadi nyumangetan abdi hehe
    ( rama life skill)

  3. kang hendry……hehehe teu sengaja abi muka blog ieu, bade milarian pr bhs. sunda kangge putra abi, smangat…..

  4. paman hebat….salut sama paman…oh ya…saya dari madura , pengen banget belajar bhasa sunda….soalnya , yg saya denger” tiap kali orang sunda berbicara , nang kuping itu enak , alus….gag kaya orang madura..kasar kalo ngomongnya…

    Saya baca biographi paman sedikit” ada yg paham

    • Saelah Kang Pangalaman hirup akang teh nu sans mah tue acan tangtang kiat rupiana, wilujng ngiring bingah………..

  5. Geningan mani panjang lebar lalakonana teh. Mundel pisan ku daluang deui

  6. sae pisan kang… inspiratif pisan kanggo dulur dulur nu sanesna kalebet sim kuring, ngaraos kagagas… sukses terus kang.!

  7. Waah, Aang hebat euy … Wilujeng Ang

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: